Loyiha · chizma va muhandislik
Brauzerda ishlaydigan chizma platformasi: CorelDRAW kabi oson, AutoCAD kabi aniq. Devorlarni chizasiz — sanuzel, quvurlar, radiator, issiq pol va elektr tochkalari bir bosishda joylashadi, smeta o‘zi hisoblanadi.
loyiha.prohisob.com
Chizish
Aqlli yordamchi
Namunaviy chizma va ma’lumotlar
Qanday ishlaydi
Bitta kvartira rejasi olti qadamda to‘lib boradi. Siz devorlarni chizasiz — sanuzel, quvur, isitish va elektrikani aqlli yordamchi aniq qoidalar bilan joylaydi. Keyin xohlaganingizni surasiz va tuzatasiz.
| Suv ta’minoti | 763 000 |
| Kanalizatsiya | 489 000 |
| Santexnika jihozlari | 1 170 000 |
| Isitish (radiator) | 7 540 000 |
| Issiq pol | 5 354 000 |
| Elektrika | 6 084 000 |
| Ishlar | 5 640 000 |
Devor, eshik, deraza — millimetr aniqligida: uzunlikni klaviaturada yozasiz (4200 yoki 4,2m), orto va yopishish yordam beradi. Xonalar va m² o‘zi topiladi.
«Sanuzel» tugmasi vanna, rakovina, unitaz, kir yuvish mashinasi va moykani joylaydi — eshik ochilishi va jihoz oldidagi 550 mm joy hisobga olinadi.
Sovuq va issiq suv, kanalizatsiya stoyakdan xona perimetri bo‘ylab har jihozga tortiladi — eshik ostidan o‘tmaydi. Har tochka balandligi bilan jadvalga tushadi.
Radiator har deraza ostiga, seksiyasi xona yuzasiga qarab. Issiq pol «ilon» shaklida yotadi, uzun bo‘lsa konturlarga bo‘linadi va kollektorga ulanadi.
Chiroq, eshikning qulf tomonida vyklyuchatel, perimetr bo‘yicha rozetkalar, oshxona va hammom qoidalari — shchitdan guruh kabellari bilan.
Material va ish hajmi firmangiz narxlariga ko‘paytiriladi. Natija — PDF varaqlar, DXF va Excel, bir bosishda.
Namunaviy chizma, hajm va narxlar
Aqlli yordamchi
Tugmalar taxmin qilmaydi — har biri sinovdan o‘tgan aniq qoidalar bilan ishlaydi. Natija oddiy chizma: surasiz, o‘chirasiz, Ctrl+Z bilan qaytarasiz. Qayta bossangiz, avtomatik qo‘yilganlari yangilanadi, qo‘lda qo‘yganlaringizga tegmaydi.
Hammomga vanna (joy bo‘lmasa dush), rakovina, kir yuvish mashinasi; sanuzelga unitaz va rakovina; oshxonaga moyka. Eshik ochilishi va jihoz oldidagi 550 mm joy hisobga olinadi.
Quvvat xona yuzasidan olinadi: 100 Vt/m², burchak xonaga +20 %. Seksiya — 180 Vt, radiator uzunligi deraza enining 90 % idan oshmaydi.
Issiq pol (tyopliy pol) belgilagan xonalaringizga devordan 100 mm ichkarida, tanlangan qadamda yotadi. Uzun kontur bo‘linadi, ikkala uchi kollektorga ulanadi; kollektor koridorga qo‘yiladi.
Shiftda chiroq (22 m² dan katta xonada — ikkita), vyklyuchatel eshikning qulf tomonida 900 mm da, rozetka perimetrning har 4 metriga bittadan. Oshxona va hammom — alohida qoidalar bilan.
Yoki bitta tugma — to‘rttasi ketma-ket ishlaydi. Natija bitta amal bo‘lib tushadi: yoqmasa, Ctrl+Z.
Muharrir
Chizish, o‘lcham, jihozlar, qatlamlar va versiyalar — ustaga kerak hamma narsa bitta oynada. Ish brauzerda, kompyuterga hech narsa o‘rnatilmaydi.
Devor, xona, eshik, deraza, chiziq, polilin, to‘rtburchak, aylana, matn va o‘lcham. Uzunlikni klaviaturada yozasiz — 4200 yoki 4,2m — va Enter.
Devorlar yopilishi bilan xona, maydoni va perimetri chiqadi. Devorni surasiz — xona nomi va turi saqlanadi.
Santexnika, isitish va elektrika. Har jihozda ulanish nuqtalari bor: tizimi, balandligi, diametri — tochkalar jadvali shundan olinadi.
Devor, suv, kanalizatsiya, isitish, issiq pol, elektr — har biri alohida qatlamda: yashirasiz, qulflaysiz. Varaqlar: Reja, Suv/kanal, Isitish, Elektr.
Ctrl+Z istalgan amalni qaytaradi. Muhim holatni nom bilan saqlaysiz, har 10 daqiqada avto-versiya ham yoziladi.
Har o‘zgarish o‘zi saqlanadi — «Saqlash» tugmasini unutish yo‘q. Server esa har soatda zaxira oladi.
Smeta va tochkalar
Quvur metrlari, fitinglar, radiator seksiyalari, kabel va ish hajmi chizmadan o‘zi sanaladi. Narxlarni firmangiz sozlamasida bir marta kiritasiz — keyin har loyiha smetasi shu narxlar bilan chiqadi.
| Tizim | Jihoz | Xona | mm |
|---|---|---|---|
| Sovuq suv | Rakovina | Hammom | 550 |
| Issiq suv | Vanna | Hammom | 800 |
| Kanal Ø50 | Moyka | Oshxona | 500 |
| Rozetka | Kir yuvish mashinasi | Hammom | 1000 |
Namunaviy hajm va narxlar — narxlar firma sozlamasida o‘zgartiriladi
Fayllar va ulashish
Buyurtmachi DWG yoki DXF yubordimi — taglik qilib ochasiz va ustidan chizasiz. Natija — chop etishga tayyor PDF varaqlar va istalgan CAD dasturi ochadigan DXF.
Ochish
Saqlash
Ramka, shtamp, masshtab (1:50 …) o‘zi tanlanadi; shartli belgilar bilan. Kerakli varaqlarni belgilaysiz:
Kim uchun
Santexnika, isitish va elektrika bitta loyihada, lekin alohida qatlam va varaqlarda. Har bir ustaga faqat uning varag‘ini PDF qilib berasiz, butun rasm esa sizda qoladi.
Savollar
Javob topilmasa — Telegramda yozing, platformani jonli ko‘rsatamiz.
Savol berishYo‘q. Loyiha brauzerda ishlaydi: kompyuterda chizasiz, telefonda ko‘rasiz. Loyihalar serverda saqlanadi — kompyuter almashsa ham hammasi joyida.
Ha. DWG va DXF fayllarni taglik sifatida ochasiz va ustidan chizasiz — chizayotganda taglik chiziqlarining uchlariga yopishadi.
Natijani DXF qilib saqlaysiz: AutoCAD, BricsCAD, nanoCAD qatlamlar va ranglar bilan ochadi. DWG formatida saqlash hozircha yo‘q.
Natija — oddiy chizma obyektlari: istalganini surasiz, o‘chirasiz yoki Ctrl+Z bilan butunlay qaytarasiz. Masalan, stoyakni boshqa joyga surib, tugmani qayta bossangiz, quvurlar yangidan tortiladi.
Qayta bosilganda faqat avtomatik qo‘yilganlar yangilanadi — qo‘lda qo‘ygan jihozlaringizga tegilmaydi.
Firmangiz sozlamasidan. Boshida taxminiy standart narxlar turadi — ularni o‘zingiznikiga almashtirasiz, keyin har loyiha smetasi shu narxlar bilan hisoblanadi.
Ulashish havolasini yuborasiz: mijoz kirishsiz, faqat ko‘rish uchun ochadi — telefonda ham. Chop etish uchun esa ramka, shtamp va masshtab bilan PDF varaqlar bor.
Ha. Firma ichida foydalanuvchilar va rollar bor: admin, chizmachi va kuzatuvchi (faqat ko‘radi). Har firmaning loyihalari boshqalardan alohida.
Telegramda yozing — firmangiz uchun kabinet ochib, platformani ko‘rsatamiz. Kabinet tayyor bo‘lgach, loyiha.prohisob.com orqali kirasiz.
Loyiha
Kabinetingiz bo‘lsa — kiring. Hali yo‘q bo‘lsa, Telegramda yozing: platformani ko‘rsatamiz va firmangiz uchun kabinet ochib beramiz.
loyiha.prohisob.com